எழுத்தின் கிரகம் என்ன?

 கண்களால் பார்க்கப்படுவது சுக்கிரன்

காதுகளால் கேட்கப்படுவது புதன்

ஓவியத்தை பார்க்க அறிவு தேவையில்லை. ஆனால் எழுத்தை புரிந்து கொள்ள (மொழி ) அறிவு தேவை.

ஓவியத்தை பார்ப்போம். எழுத்தை படிப்போம். எழுத்து என்று வரும் பொழுது மூளைக்கு வேலை தருகிறோம்.

எழுத்தை புதன் + சுக்கிரன் என்று வரையறுக்கும் பொழுது அழகான கையெழுத்துள்ள எழுத்து என்று வந்துவிடும்.

அதாவது சுக்கிரனும் புதனும் சேர்ந்திருந்தால் கையெழுத்து அழகாக இருக்கும். ஆனால் எழுத்தின் முக்கியத்துவம் அதன் வார்த்தையில் அர்த்தத்தில் உள்ளதே ஒழிய அழகில் இல்லை.

அதாவது எழுத்தை எழுத ஓவியம் வரையும் கலை அவசியம் இல்லை.அதனால் தான் Practically புதனை மட்டுமே எழுத்துக்கு எடுத்துக்கொள்கிறோம். அழகாக எழுதினாலும் அழகில்லாமல் எழுதினாலும் எழுத்தை மொழியை புரிந்து கொள்ள முடிகிறது.

ஒரு மாணவனை அழகாக எழுதினால் தான் மதிப்பெண் தருவேன் என்று ஒரு ஆசிரியர் கூறினால், அந்த மாணவன் மீது எந்த பிழையும் இல்லை. அந்த ஆசிரியர் முட்டள் என்று உணர்க. வரையத்தெரிந்தவன் அழகாக எழுதுவான். மற்றவர்களால் முடியாது. அதை கட்டாயப்படுத்துவது அதற்காக மாணவனுக்கு தாழ்வு மனப்பாண்மை தருவது கண்டிக்கத்தக்கது.

நமக்கு குறைந்த பட்ச அறிவு இருப்பதால் புதனை மட்டும் எழுத்துக்கு எடுத்துக்கொள்ளலாம். சுக்கிரன் option ஆக வைத்துக்கொள்ளலாம்.

அதாவது

எழுத்து = புதன் ( + சுக்கிரன் )

எழுத்தாளனுக்கும் கையெழுத்து அழகாக இருக்க வேண்டிய அவசியம் இல்லை. அதானல் அவனுக்கும் சுக்கிரன் தேவையில்லை. புதன் மட்டும் போதும்.

நீங்கள் ஆகச்சிறந்த எழுத்தாளர் ஆவதை  உங்கள் வாழ்வு அனுபவம் தான் தீர்மாணிக்கும். எழுத்தறிவு கூடுதல் பலம் மட்டுமே. எழுத்தின் சுக்கிரனின் நிலை தான் எழுத்தாளனுக்கு புதன். அதாவது ஒன்றை பயன்படுத்தி வேறொன்றை கடத்துகிறோம்.

எழுத்தாளுனுடைய மதிப்பு அழகாக எழுதுவதில் இல்லை. எவ்வளவு கலைச்சொற்கள் பயன்படுத்துகிறான் என்பதில் இல்லை.என்ன உண்மையை கடத்துகிறான் என்பதிலேயே பொதிந்திருக்கிறது.ஒரு எழுத்தாளன் எழுத்தோடு நின்றுவிடக்கூடாது.